ORANJESTAD.-Manera EXTRA a informa un ratu promé, un trùk di Domesa ku ta transportá plaka a dal un persona riba baiskel. Pa 12:25 dr. Texier a konstatá morto di Franklyn E. DIRKS, nasé 25-07-1958 .

Polis di tráfiko i polis tékniko a presentá i a tuma enkargo di e investigashon. Slachtofferhulp tambe a presentá pa duna sosten na e famia.

Un trùk ku ta transportá plaka a alkansá un siklista na e rotònde na Ponton, Aruba. Polis ku a yega na e sitio a tuma nota ku ta trata di un kaso hopi serio i a pidi asistensia di ambulans. Ambulans tambe a yega hopi lihé pero a konstatá ku e persona no ta duna señal di bida mas. Outoridatnan ta na e sitio pa realisá e investigashon nesesario, asina polis di Aruba ta informa. Di tres morto di trafiko pa Aruba.