WASHINGTON, AP.- Presidente Donald Trump  lo pidi pa revisá e métodonan di interogashon usá kontra sospechosonan di terorismo i e posibilidat di habri bèk prisònnan klandestino ku tabata operá pa CIA den eksterior segun un òrdu ehekutivo optené pa The Associated Press.

E òrdu ademas lo anulá e kompromiso di gobièrnu anterior di sera e sentro di detenshon den e base di Guantanamo na Cuba.

E dokumento ta instruí e asesornan di seguridat nashonal pa entregá e presidente rekomendashonnan riba si mester  reanudá e programa di interogashon
na teroristanan ekstranhero ku lo keda apliká pafó di Merka i si e programa ei mester inkluí e uso di sentronan di detenshon operá pa e agensia sentral di informashon.

E dokumento ta bisa ku e leinan merikano mester keda apliká na tur momentu i ta prohibí eksplísitamente e tortura. Pero e echo ku Merka ta konsiderando na bolbe apliká táktikanan brutal di interogashon lo ai general kontroversia sigur na nivel nashonal i internashonal.

Tin asta algun eks funshonario ku ta insistí pa e programa ta funshoná pasobra atraves di dje a haña datonan balioso, otronan ta bisa ku e ta sòru pa e pió abusunan kometé den e asina yama guera kontra terorismo despues ku teroristanan a ataka Merka dia 11 di sèptèmber 2001.

AP a haña e dokumento for di un funshonario merikano kende a bisa ku Kas Blanku a repartié pa pidi opinion di diferente empleado promé ku Trump firme. E fuente a pidi pa no keda identifiká.