WASHINGTON.- Donald Trump a atvertí su siguidónan ku e lo por yega na momentunan aki lo por ta determinante pa nan, esei den kaso ku un sentensia kai i ku ta nifiká ku e lo tin di bai prizòn òf keda bou di aresto na kas. Den un entrevista na e kanal di televishon Fox News a eks presidente i potensial kandidato Republikano pa elekshonnan na novèmber a rekonosé e posibilidat ku e lo bai resultá den prizòn pa un periodo di tempu òf un periodo di detenshon kasero despues di e sentensia di dia 11 di yüli próksimo.
“Mi ta oké ku e desishon”, asina Trump a deklará aunke el a agregá bisando ku e no ta sigur ku pueblo lo aksept’é. E ta kere ku pa e públiko e desishon lo ta duru. Ta di komprondé ku lo por yega un momentu determinante. E atvertensia aki ta bini den un pais ku ya kaba ta preokupá pa e prospekto di un ambiente polítiko violento te ora ku yega e elekshon di dia 5 di novèmber.
Awor Trump ta hibando kampaña komo un hòmber konvikto, aunke for di awor el a duna di konosé kaba ku e lo no akseptá si e pèrdè kontra Joe Biden.
