WASHINGTON, AP.- Presidente Donald Trump a atvertí na legisladornan djamars ku nan mester aktua awor si nan kier ekstendé e protekshon pa hóbennan migrante ku ta biba sin pèrmit legal den Merka.
Den un serie di tweet matutino, Trump a bisa ku e demókrata i republikanonan mester aktua awor pa protehá e ‘dreamers’ legalmente ounke e destino di un proyekto di lei den Kongreso aworakí no ta konosí.
Trump a referí na 5 di mart, e fecha ku el a anunsiá pa pone fin na e programa di Akshon Diferi pa Esnan ku a Yega desde Infansia (DACA). E ta protehá míles di hóben migrante ku a yega e pais estando mucha desde infansia pero no tin pèrmit di residensia.
Lidernan demókrata i republikanonan den Senado ta bisa ku ta difísil pa yega na un akuerdo eksterior relashoná ku e tema migratorio.
Trump a proponé un kaminda pa siudadania pa 1,8 mion migrante a kambio pa su gobièrnu risibí 25.000 mion dòler pa un muraya na frontera ku Mexico i otro medidanan di seguridat, ademas di límitenan di inmigrashon ilegal.
Djamars atardi, e presidente lo reuní ku e Asosiashon Nashonal di Sheriffs, kaminda posiblemente e ta bolbe papia tokante inmigrashon.
