DALLAS, AP.- E mandatario Donald Trump a bisa djabièrnè den Asosiashon Nashonal di Rifel ku e Segundo Enmienda “hamas lo ta bou di asedio miéntras mi ta presidente”.
Esaki ta e di kuater presentashon konsekutivo di Trump den e konvenshon anual di e asosiashon, konosí komo NRA. Riba kaminda, Trump a deskribí NRA komo “un organisashon realmente grandioso ku stima e pais aki”.
Aña pasa, Trump a kombertí den e promé presidente di duna un diskurso dilanti e konvenshon di NRA den mas di 30 aña. Sin embargo, su presentashon tabata den konteksto ku violensia derivá di arma di kandela a bira relevante despues di un di e matansanan den un skol, esun mas grave den historia di Merka.
Ounke Trump a sostené e derechi di poseé arma konsagrá den e Segundo Enmienda, dilanti di Asamblea, el a apartá temporalmente di e mensahe enérgiko kontra kòntròl di arma despues di un matansa na Parkland, Florida.
Algun studiante ku a sobreviví e masakre dia 14 di febrüari den sekundario Marjory Stoneman Douglas, a enkabesá e moveshon nashonal di gran eskala na fabor di kòntròl di arma. Ounke e matansa, kaminda 17 persona a muri, no a proporshoná kambionan importante den Kas Blanku ni di Kongreso kontrolá pa Republikanonan, Trump si a deklará ku e lo enfrentá e sektor poderoso di arma. Despues el a hala atras ku su komentarionan.
