WASHINGTON, AP.- Donald Trump a manda un mensahe pa Senado: aprobá un proyekto di inmigrashon basá riba e prioridatnan di e presidente.
Trump a gradisí e senador republikano Chuck Grassley, di Iowa, pa presentá un proyekto similar ku Kas Blanku ta impulsando.
E inisiativa lo duna e oportunidat pa haña siudadania di 1,8 mion persona kua yega Merka estando mucha pero ku a keda den e pais den un situashon iregular. Trump a bisa ku un leshon e prioridatnan aki lo “no duna seguridat i prosperidat na e pueblo merikano”.
E presidente a pidi e legisladornan pa oponé na kualkier “enfoke di término kòrtiku”.
E debate den Senado a kuminsá djamars, pero e dirigentenan no a bai di akuerdo riba e forma kon pa avansá.
E demókratanan ta preferá un enfoke mas estrecho dirigí pa e “dreamers” i seguridat na frontera. E lider di su bloke si senador, Chuck Schumer, a bisa ku “esun ku mas probabilidat di no yega na un akuerdo ta presidente Trump”.
“Na lugá di hasi un proposishon di buena fe òf elaborá un akuerdo ku e demókratanan, presidente Trump ta purbando di forsa e merikanonan pa aseptá su proyekto inmigratorio impopular”, segun indikashon di Schumer.
DACA, ta un programa impulsa pa presidente Barack Obama.