WILLEMSTAD.- Dia 1e di yüli próksimo lo tuma lugá den Festival Center e aktividat: ‘Tumba Concert Urban Splash’, un konsierto ku artistanan di Tumba i Urban lokal.
Lo tin presentashon di 24 tumbero lokal, e 12 klasifikadonan pa Festival di Tumba 2018, 11 Rei di Tumba di pasado i Rei di Tumba Hubenil 2018. Huntu ku nan lo presentá tambe 8 artista di e género urbano lokal.
Meta di e konsierto ta pa krea un plataforma pa alsa e tumberonan i nos artistanan lokal, pero pa prinsipalmente duna balor agregá na nos ritmo original, Tumba.
E konsierto lo kuminsá pa 7.30’or di anochi i ta plania pa kaba mitar di 12. Portanan di Festival Center lo habri for di 6’or di atardi.

After Party
Despues dje konsierto lo tin un after party ku lo tuma lugá den ‘Japan Party Center’. Pa e after party a kontratá dos banda musikal, Hype ku ta representá e ritmo kombiná i Classic XD ku ta representá e género di kòmbèk.
Karchinan pa konsierto i fiesta ta optenibel na Beep Beep Rio, 24 uur uit de muur, Tik Tak den Punda, Mensing’s Caminada i via www.cbcempire.com