WILLEMSTAD.- Fundashon pa nos Muchanan ku hopi plaser ta anunsiá ku tur preparashon ta hasí pa Sanikolas yega Kòrsou djasabra 18 di novèmber aki.

E programa di e dia ta lo siguiente:

8.30 Barku ta drenta haf i na mes momentu e pre show ku D’Art PM ta kuminsá riba Plasa Brion.

8.45 Parada ta sali for di Mattheywerf direkshon di Plasa Brion pa sigui ku un tremendo show riba Plasa Brion

10.15   Parada ta sali for di Plasa Brion, krusa Emmabrug, drenta Heerenstraat pa yega Plasa Jojo Coreia. Na mes momentu aki e pre show ta kuminsá riba Plasa Jojo Correia ku Explotion Dancers huntu ku 5 kantante hóben ku lo bai kanta i trese henter un show bunita pa tur presente.

11.30 E parada ta sali for di Plasa Jojo Correia, drenta Madurostraat, pasa Columbusstraat direkshon di Parke Wilhelmina. Na Parke Wilhelmina tambe lo tin un un pre show diferente ku Explotion dancers.

13.00 Despues di e show di Sanikolas i su pietnan lo sigui un show di steelband di Danzarte, Weganan ku Payaso Jolanda, Pòpchi Soli i tambe Tio Sandy. Na parke Wilhelmina lo tin hopi aktividatnan mas pa nos muchanan, manera henter un área di wega, dòrnamentu di pepernootjes, pintamentu di kara i hopi kos mas.

14.00 Sanikolas i su pietnan lo ta di bishitá na KFC Sta. Maria, kaminda tur mucha tin chèns di saka potrèt ku Sanikolas huntu ku algun piet miéntras ku riba e tereno di parker Pietnan lo fiesta dushi ku tur mucha presente.

16.30 Sanikolas lo ta na Curacao Zoo mihó konosí komo Parke Tropikal. Pero e feria di Sanikolas na Parke Tropikal ta kuminsá for di 3’or di atardi ku hopi wega pa nos muchanan.

18.00 Sanikolas ta hasi  su último bishita riba e promé dia di su yegada na Sambil. Pero akí tambe Explotion dancers i e kantantenan hóben lo tei ku un tremendo show for di 17.00

Fundashon pa nos muchanan lo no por a organisá e fiesta grandi i kompletamente grátis aki si no tabata pa e grupo grandi di amigunan di Sanikolas ku di un forma òf otro ta yuda pa hasi e fiesta akí posibel. Danki na Hucor ku su restorant nan KFC, Subway i Pizza Hut, TeleCuraçao, CPA/KTK, DMO, TDS, Stichting Johannes Bosco, Refineria Isla, Curoil, Sambil, Fria, BAB, Licores Maduro ku Sun top, Auto City, Ennia, The Trader, Lions club, Fundashon Lus i Speransa, Mangusa, Fundashon Fiha, Aqualectra, Dani's fruit center, ACU, Selikor, Fraal Import & Export, WTC, Lovers, Lucky Cosmetic, Marchena Hardware,Vitamalt, Marnixschool, Radio mas, Savannah Carrental, Fundahon Kòrsou limpi i bunita, CWM, CVD security, Sektor Kultura i Deporte, Diamonds, Baywest, Kuerpo Polisial, Warda kosta, Medionan di komunikashon i tur ku di un forma òf otro ta yuda hasi e fiesta aki posibel. Yegada di Sanikolas lo ta great e aña akí atrobe.