ORANJESTAD.-Den oranan di atardi polis na Aruba a haña notifikashon di un aksidente serio ku a tuma lugá riba laman na altura di Palm Pier na Palm Beach. Tabata mas o ménos 4’or di atardi ku e notifikashon a drenta na sentral di polis. E promé patruya ku a yega na e sitio a haña informashon ku ta trata di un hobensita turista di 13 aña ku a keda alkansá pa un boto na e sitio menshoná.

Ambulans huntu ku polis a kuminsá mesora ku reanimashon pero lamentablemente no por a hasi nada mas pa e hobensita. Dr. Texier a presentá na e sitio i pa 5:29 pm a konstatá morto di e hobensita C.M di 13 aña di edat, nasé na Merka.