ORANJESTAD.- For di Aruba a drenta e informashon ku den oranan di mardugá tras di lomba, mas o ménos 02:47 am sentral di polis a haña notifikashon ku un hende muhé lo a kai for di e di 3 piso di hotèl Aruba Marriot Surf Club. Patruya ku a bai na e sitio di e kaso a komprondé ku ta trata di un mucha muhé turista di 14 aña ku a kai for di e 3 piso na e hotèl menshoná. E mucha muhé ta di nashonalidat merikano. E hóben ta na Aruba i ta kedando huntu ku su mayornan y rumannan. Parse ku e damita turista ta un “sleepwalker” i pa un deskuido e la sali for di e kamber sin ku su famia a ripara. Ambulans a presentá na e sitio i a dun’e asistensia pa despues bai hospital kuné. E damita a fraktura su brasa. Informashon ku kuerpo polisial di Aruba ta dispone di dje ta indiká ku e mucha muhé ta stabil.