WILLEMSTAD.-  Despues dje éksito ku Tyziano tabatin ku su promé kantika huntu ku su tata titulá ‘Amor di Papa’ ku a konkista tur e muchanan i sigur mayornan su kurason, e ta bek ku e kansion titulá ‘Puppy Love’.
‘Puppy Love’ su género ta ‘Pop/Dancehall’ moderno i a keda produsí pa FaMouzboy.
Tyziano ta un hóben di 7 aña i for di mainta ora e lanta e ta kuminsá skucha i train muzik. E historia di e kantika ta ku Tyziano gusta wak un mucha na skol i el a konta su tata. Muchanan ta inosente i nan tambe tin kariño pa otro, p’esei e kansion su título ta ‘Puppy Love’, meskos ku e kariño ku e kachónan chikí inosente ku ta kore hunga masha ‘cute’ ku otro.
Tyziano ya ta kaptando atenshon di produktornan internashonal i ta pidiendo pa e kolaborá den diferente produkshon, esaki mirando e talento ku e tin.
E videoclip tambe ta kla, por buska esaki riba YouTube: Tyziano - Puppy Love.