KIEV, UKRANIA, AFP.- E agensia estatal di energia nuklear di Ukrania a akusá Rusia djamars ku detenshon di dos funshonario haltu di e sentral do Zaporizhzhia, un planta kontrolá pa Rusia na sùit di Ukrania.
Den un komunikado riba retnan sosial, Energoatom a indiká ku forsanan ruso a “sekuestrá” e direktor di e divishon di teknologia di informashon, Oleg Kostyukov i e supdirektor general Oleg Osheka, i ku “a bai ku nan na un sitio deskonosí”.
Energoaom a pidi e hefe di Organismo Internashonal di Energia Atómiko (IAEA), Rafael Grossi, pa hasi tur kos posibel pa garantisá nan libertat.
Trupanan di Rusia a gara kontrol di e sentral nuklear di Zaporizhzhia na komienso di mart, den e promé dianan di invashon ruso na Ukrania.
E pais a akusá Rusia ku detenshon di vários empleado di e planta.
Siman pasa, Energoatom a bosa ku trupanan ruso a sekuestrá i maltratá Valeri Martiniuk, direktor general athunto di Rekurso Humano di e sentral.
IAEA a anunsiá den un komunikado djamars anochi ku a liberá e direktor segun indikashon di ekspertonan na e sitio. Pero Grossi a lamentá e detenshon di dos empleado atrobe.