WILLEMSTAD.- Manera e propaganda a informá, Festival di Tumba 2019 su pakete ekonómiko “Early Bird” lo ta disponibel pa tur kliente di TDS te ku djadumingu 27 di yanüari 2019.
TDS lo ta presente durante di inskripshon di Tumba djadumingu awor den plantage Festival Center pa tur kliente ku ainda no por a yega Vinik Plana.
E pakete ta kosta ANG125.00 i riba e fecha aki entre 14:00 – 18:00 tur kliente por pasa “swipe” ku nan karchi di banko pa aktivá nan pakete di Early Bird di Tumba 2019.
Huntu ku TDS, FunMiles tambe lo ta presente, pasó ku FunMiles tambe bo por paga pa bo pakete Early Bird.
Entre tur kliente ku hasi uso di e fecha aki pa kumpra nan pakete Early Bird, TDS lo rifa 3 pakete pa Festival di Tumba pa e ganadornan por presensiá e festival bibu i djei wak su ripitishon dushi asina na kas.
Despues di djadumingu ya lo no por risibí e pakete ekonómiko mas. E preis lo bira ANG150.00 òf 2 pago di ANG85.00
TDS kier rekordá tur kliente ku promé ku aktivá Pay Per View mester tin e luna di yanüari 2019 full paga.
No warda te último ora, hasi uso di e oportunidat aki pa delaster dia di e preis ekonómiko di ANG125.00 òf ANG85.00 mas 2000 FunMiles òf 6250 FunMiles.
Tambe un rekordatorio ta bai pa tur kliente pa verifiká nan kanalnan di Tumba pa si tin kualke inkombeniensia por hasi ahuste promé ku e gran siman aki kuminsá.
Djadumingu Extra TV tambe lo transmití via di e plataforma di TDS riba e 2 kanalnan aki bibu for di Plantage Festival Center. Pues no pèrdè esaki. TDS lo pone e 2 kanalnan aki disponibel pa tur kliente riba e fecha aki pues, 27 di yanüari 2019.
Hasi uso di e delaster dia pa bo atkerí bo Tumba Pay Per View na preis redusí.