WILLEMSTAD.- Awe djasabra, 25 di novèmber, pa 9’or di anochi i mañan djadumingu, 26 di novèmber, pa 8’or di anochi lo tin e último dos funshonnan di e gran komedia ‘E Herensia di Shon Kathan’.
Un komedia humorístiko, skibí pa Dusy Pinedo i presentá pa Grupo di Komedia Elouisa.
Un historia basá riba tres ruman, nan ta triyiso, tur tres a nase mesun dia algun minüt di diferensia. Nan a wòrdu repartí fo’i chikí pa tres diferente famia.
Nan ta karga e nòmber Baby, ku ta pa su kuenta; Alicia, yen di idea i Ingrid ku ta humilde i di ménos rekurso pa biba. Nan tres mester haña otro pa konosé otro, si no nan no por risibí e herensia.
Buska bo karchi na Mensing’s Caminada, 24 uur uit de muur i riba dianan di funshon for di 4’or di atardi na takia di Teatro Luna Blou. Pa reservashon por yama 462-2209 òf 567-6717.