WILLEMSTAD.-  Djabièrnè awor promé di yüni lo tin e último chèns pa disfrutá di e komedia ‘Hòmber bo ta Kachó’, 9’or di anochi na Zona Kultural-Teater Norman de Palm.
‘Hòmber bo ta Kachó’ ta un komedia skibí i dirigí pa Sulaika Toppenberg Lourens i presentá pa grupo Mi Teater.
Den komienso di mei e grupo a presentá e komedia aki na Cas di Cultura-Aruba. Dos dia ku salanan kompletamente yen. Aruba a keda enkantá ku e tremendo komedia aki. Awor a habri un oportunidat mas pa presentá ‘Hòmber bo ta Kachó’ na Zona Kultural.
Pedro, Lando, Tico, Angelo, Tochi, nan tur ku nan respektivo karakter pero kasi tur ta pensa mes un direkshon, hende muhé. Awendia hende hòmber no por wak ni saya i ni karson.
Hende muhé tampoko no ta keda atras, nan tambe tin nan kosnan. Anto kada biaha nan ta reuní pa papia malu di hende hòmber pero tòg nan no por sin nan.
No laga e último chèns aki pasa laga bu. Hòmbu bo ta Kachó dia 1e yüni 9’or di anochi. Karchi ta optenibel na 24 uur uit de muur i na Zona Kultural Kòrsou.