WILLEMSTAD.- Refineria Isla Curaçao no a tene ningun reunion ku su trahadónan i muchu ménos tin asuntu ku no tin sèn pa paga salario di trahadónan di Isla. Tur esakinan ta notisia falsu atrobe (fake news). Bosero di Refineria Isla sr. Earl Balborda di forma kategóriko a desmentí tur e informashon eróneo ku ta sirkulando kousando pániko den komunidat.

Algun informashon ta kore riba retnan sosial den kua ta splika ku supuestamente tabatin masha yoramentu riba tereno di Isla pasobra na mart próksimo Isla lo paga su lastu salario na trahadónan. Tambe ta informá ku parse Isla a tene reunion ku su trahadónan pa bisa ku na aprel no por garantisá salario. Balborda a desmentí esaki di forma kategóriko. ‘Atrobe fake news, pasobra nada di e puntonan ei no ta Bèrdat”. Mas detaye den edishon di EXTRA.

LAGA UN KOMENTARIO

Please enter your comment!
Please enter your name here