WILLEMSTAD.- Kòrsou por ta orguyoso ku tin un organisashon ku ta poné nos kabayeronan den forma pa representá nos pais den eksterior. Mister Model International Curaçao pa promé biaha a skor na Miami/Florida i a hasi un bon papel ku e hóben, Jazzley Geene.
Paisnan grandi a keda ku atenshon riba Kòrsou i bon komentario so a keda atras.
Jazzley Geene ku a hasi e bon papel i a saka kara di nos pais, a kai den e tòp 10 i tambe den e tòp 5 di trahe nashonal.
Hóbennan, di nashonalidat ulandes, entre 16 pa 19 aña ku ta interesá pa partisipá por inskribí awe mes serka e komishon organisadó, yamando 675-4186. Pa mas informashon por subi e página di facebook: ‘Mister Model International Curaçao’ òf yama e komishon na 675-4186.