WILLEMSTAD.- Músiko i areglista Humphrey Macarius ta preparando pa un tremendo konsierto di Pasku dia 2 di desèmber próksimo na Sentro Kultural Kòrsou, na Emmastad.
Lo ta un anochi spesial den presensia di Dios pa eksperensiá Dios su grandesa i bondat den e temporada ku nos ta bai selebrá nasementu di Kristu Hesus, E Salbador di Mundu.
Durante dje grandioso konsierto di Pasku aki lo tin tremendo alabansa na Dios i testimonio di kantantenan manera Humphrey Macarius, Divinia Silvers, David El Mensahero, Eunice Engelhardt, Bob Beaumont, Lisella Geertruida-Thomas, Grupo Caris di Iglesia Evangéliko Montaña i un sorpresa pa tur hende.
E evento ku ta tuma lugá dia 2 di desèmber lo kuminsá pa 7.30 i terminá pa 9.30 di anochi.
Karchinan ta optenibel na Kas di Beibel, Philos Gifts and Books, Plasa Nobo unit # 5 i na Mensing’s Caminada. Pa mas informashon por yama 691-5683 òf 675-2695.
Lo tin un anochi inolvidabel ku ningun hende mag pèrdè.