WILLEMSTAD.- Un dje kantantenan femenino mas popular aki na Kòrsou den e género di Urban lokal ta Chaika.
Despues di su promé éksito ‘Abo mi ke’, ku kolaborashon di Mason, aworakí e ta lansa e produkshon musikal i videoclip dje komposishon titulá ‘Beleng’.
E kansion nobo aki tin un ritmo pegahoso i ta un himno pa tur hende muhé independiente.
‘Beleng’ a keda lansá djaluna último i su videoclip ta visibel riba e portal di YouTube.
E videoclip a resultá un hopi kolorido i apart. Grabashon dje videoclip a keda realisá pa Ryan ‘QD’ Navarro i esun responsabel p’e produkshon kompletu ta ‘Illflavaz’.
‘Beleng’ ya a kuminsá zona na radio i bo por yama i pidi pa esaki zona.
Chaika un biaha mas a sòru pa manda un bòm kaya!.