SANTIAGO DE CHILE, AP.- Un iglesia katóliko chileno a wòrdu ataka ku bòm djaluna mardugá, 20 minüt leu di e sentro di Santiago.
Un serie di atake a kuminsá dia 12 di yanüari, tres dia promé ku e bishita di papa Fransisco na Chile, i despues ku algun a paresé ku menasanan skibi kontra e pontífise, un di nan tabata bisa: “e próksimo bòm lo ta den bo sotano”.
E último tèmpel afektá tabata e parokia Sagrado Corazon de Jesus, kaminda shete bòm molotov a wòrdu lansá.
E atakenan tabata vinkulá, ounke ningun outoridat a presentá prueba.
Den Chile, Fransisco mester a atendé e tema di abusu seksual kontra menornan di parti di saserdotenan. El a pidi pordon den su promé aktividat públiko den e palasio di gobièrnu, kaminda el a sigurá ku e tin bèrgwensa pa e daño okashoná pa sobrebibientenan.
Sinembargo, esaki a kousa furia, ya ku dia di su salida di e pais el a kalifiká e demanda di víktimanan di abusu komo “kalumnia”. E víktimanan aki a señalá obispu Juan Barros komo kubridó di Fernando Karadima, e pastor pedofil mas grandi di e iglesia chileno.
