WILLEMSTAD.- Ku plaser Sra. Marla Borgschot, lider di grupo ‘Flornan di Solo’, un dje gruponan di Seú ku den pasado a partisipá i a logra di bai ku premionan manera ‘Grupo Mas Original’ i tambe mas kreativo ta bèk. ‘Flornan di Solo’ a lanta for di 1994-1995 i a partisipá 6 aña konsekutivo den Marcha di Seú. Despues di basta un par di aña den eksterior, awor Marla ta bèk pa forma parti di nos fiesta kultural i ta kla pa sigui ofresé bu kos bon so. Bo ta keda kordialmente invitá pa partisipá huntu ku ‘Flornan di Solo’ na Marcha di Seú 2018. Kompañamentu musikal lo ta na enkargo di Típiko Rozal & Co. E tema pa 2018 ta ‘Un realse i honor na un fruta dimenshonal: ‘Lamunchi’. Pa mas informashon i inskripshon bo por yama Sra. Marla Borgschot na 677-3822.