CARACAS, VENEZUELA, AP.- Ernesto Samper, sekretario general di Union di Nashon Suramerikano, a saludá e posibilidat pa reanudá diálogonan eksploratorio entre gobièrnu di Venezuela i oposishon.
E komentario di Samper a tuma lugá un dia despues ku e mesa di Unidat Demokrátiko (MUD), ku ta forma parti partido i organisashon opositor, a pidi pa amplia mediashon di e proseso di diálogo i inkorporá un representante di Santa Sede, otro eks mandatarionan òf OEA.
” Mi ta selebrá e posibilidat di restablesimentu di diálogo na Venezuela i renobá e apoyo di tres eks presidente”, segun Samper a bisa atraves di su kuenta riba e ret sosial di Twitter.
E proseso ta a wòrdu inisiá pa eks presidentenan Jose Luis Rodriguez Zapatero di Spaña, Leonel Fernandez di República Dominicana i Martin Torrijos di Panamá, ku e respaldo di Unasur.
MUD a mustra dispuesto na partisipá den un promé reunion pa un diálogo desde 12 di yüli i a pidi fasilitadornan pa proponé e lugá i fecha pa e enkuentro.
This function has been disabled for èxtra.