Urni Roland Andrea

Na memoria di mi yu

Urni Roland Andrea
*31-05-1968 †12-03-2015

Un yamada, un sonrisa, un brasa, un sunchi lo mi no bolbe haña di bo mas.
Mi yu ya ta 3 aña ku ora Bon Dios a manda su Angelnan bin buska bo.
Bo no a drei wak patras, ma bo a subi e avion ku un lugá prepara pa bo.
E Kapitan tabata e Angel di Dios. Distino Final E Paraiso di Dios.
For di ayanan bo ta wak nos, bo ta kwida nos. Bo ta manda bo sabidoria pa esnan ku bo a stima. Mi ta yama Dios danki ku e la skohe ami pa ta bo Mama, maske mi tin hopi doló, mi sa ku bo ta bon i ku lo bo ta bon kwidá.
Danki pa tur kos mi yu, mi Prins, mi Baron, Hamas lo mi lubidábo.
Un kos so mi ke, pa Bon Dios dunábo sosiego eterno…

Bo Mama ku hamás lo lubidá bo.
Arnolda Clarinda