Urni Roland Andrea

Spesial pa mi yu stimá riba su fecha natal

31 Mei 1968, ora hopi hende tabata prepará pa bai
trabou, na un kas humilde na montaña nèt 4:30'or di mardugá. Un yu a dal su promé gritu anunsiando mundu ku ela yega.
Su mayornan a yam'é:

Urni Roland Andrea

Awe 31 Mei 2018 nèt 50 aña despues di bo binida, bo no tei mas. Awor bo ta para riba e montaña den Paraiso ta wak nos, bo ta wak bo 3 ñietunan, ku bo no por a karga, pero mi sa ku kaminda bo ta, bo ta kuida di nan. Bo ta duna nan bo bendishon, ta pesei no a keda mi nada mas di yama Dios danki, ku mi por tabata i lo keda semper bo mama.
Dios lusa bo kaminda i duna bo sosiego eterno, ki felis lo mi tabata di brasabo i dunábo pabien riba e dia aki mi yu. Ma Dios a duna i Dios a tuma, bendishoná sea Su nòmber. Sosegá na pas mi yu, danki ku bo por tabata huntu ku nos pa 47 aña.

Bo mama ku nunka lo lubidábo; Arnolda Clarinda.