MONTEVIDEO, URUGUAY, AP.- Uruguay i Chile a firma un tratado liber di komersio ku ta purbando di oumentá e interkambio ekonómiko entre ámbos pais.
E tratado a wòrdu firmá pa e presidente uruguayo Tabare Vazquez i e kansier chileno Heraldo Munoz, segun informashon di presidensia uruguayo.
E interkambio entre ámbos pais ta inkorporá interkambio liber di servisio, segun kansier uruguayo Rodolfo Nin Novoa den un rueda di prensa promé ku firmamentu di e akuerdo. ‘Sin ningun duda, esaki ta bai trese gran benefisio pa uruguayo i chilenonan desde e punto di bista di índisenan di prosperidat i oportunidat”. Munoz a duna felisitashon pa e konvenio reglá. ‘E tratado ta bai krea trabou, oportunidat i ta bai krea invershonnan”, asina el a bisa. E interkambio liber di servisio lo permití ku Uruguay i Chile ta partisipá huntu den kadenanan produktivo, asina el a agregá.
E akuerdo ta fiha normanan komun di protekshon di medio ambiente i polítikonan di género. E kansier chileno a afirmá ku aktualmente rin 10,000 puesto di trabou den Uruguay, generá danki na invershonnan di su pais i a agregá ku esaki ta bai oumentá danki na e tratado firmá.
