WILLEMSTAD.- Gerensia di UTS representá dor di su CEO, sr. Paul de Geus, awe tardi durante un enkuentro ku prensa a anunsiá ku ta para e proseso ku a start pa redusí su personal di un forma boluntario. Sr. de Geus a splika ku e intenshon ta pa baha e kantidat di empleadonan di 480 pa 200 pero den un periodo di tres aña. UTS ta para e proseso di retiro boluntario, aunke esnan ku ta deseá esei tin te ku mañan djamars pa hasié. For di djarason lo habri espasio pa sinta ku sindikato pa deliberá riba retironan forsoso.