WILLEMSTAD.-  Den kuadro di su preparashon pa e sertámen di Miss World 2017, srta. Vanity Girigori resientemente a bishita Minister di Ekonomia i Turismo, Sr. Steven Martina.
Vanity lo representá Kòrsou na Sanya, China kaminda mas ku 120 pais lo kompetí den e sertámen di Miss World 2017.
Den su preparashon pa e sertámen a sòru pa Vanity kuminsá studia e idioma chines i e ta dominando esaki hopi bon.
Minister Steven Martina na nòmber di pueblo di Kòrsou a deseá Vanity hopi éksito i ku e eksperensia aki lo sirbi pa su karera den futuro.
Riba foto nos por apresiá srta. Vanity Girigori, Minister Steven Martina i sra. Sherry Alberto, direktor di Mature Model Management.