WILLEMSTAD –Awe mainta tempran reshèrshi nan di VVC huntu ku Team di Aresto a tene vários entrada hudisial. A bai bario di Steenmijn, Kas Chiki i Abrahamz. Tur esaki relashoná ku un investigashon andando. Na e entrada hudisial na Kas Chiki a hasi un detenshon i a konfiská vários artíkulo di importansia pa e investigashon andando. Na e otro adrèsnan no a bin topa niun hende na e kasnan. E detenshon ta pa vários kaso di ladronisia i tambe poseshon di arma di kandela.
