CARACAS, AP.- Tribunal Supremo di Hustisia di Venezuela a kuminsá ku prosesonan hudisial kontra seis diputado opositor pa traishon i rebelion despues di un lantamentu militar frakasá siman pasá.
Tribunal Máksimo a bisa den un komunikado ku diputadonan Henry Ramos Allup Luis Florido, Marianela Magallanes, Jose Simon Calzadilla, Americo de Grazia i Richard Blaco lo wòrdu demanda konforme petishon di Fiskal General pa supuesto delitonan di :traishon di patria, konspirashon, instigashon, rebelion militar, delinkuensia, ehersé nan funshonnan ilegalmente i instigashon públiko pa kousa desobedensia”.
Den un promé komunikado, e tribunal a inkluí un persona identifiká komo Andres Enique Delgado velazquez, pero el a wòrdu ekskluí di e segundo komunikado sin splikashon.
Algun di e dirigentenan prosesá a paresé huntu ku e lider opositor Juan Guaidó durante e lantamentu militar frakasá di 30 di aprel.
Tribunal supremo a aprobá un proseso similar kontra e visepresidente di Asamblea Nashonal, Edgar Zambrano.
