CARACAS, AP.- Representantenan di gobièrnu i oposishon di Venezuela a disidí pa regresá Noruega i kontinuá ku e intentonan pa resolvé e krísis polítiko den e pais suramerikano, segun anunsio di e gobièrnu noruego djasabra.
Noruega a reiterá ku e pais lo brinda yudansa den e negosiashonnan durante e simannan binidero na Oslo. Esaki ta un indikashon ku e proseso ta hañando forsa despues di vários luna di tenshon haltu entre e presidente venezolano Nicolás Maduro i e lider di oposishon Juan Guaidó, kual tin sosten di Merka.
E aliado prinsipal di Maduro, Jorge Arreaza i gobernador di estado di Miranda, Hector Rodriguez, kende tabata na Islo na komienso di e luna aki o bolbe enkabesá e delegashon di gobièrnu aki. E biaha e minister di Eksterior, Jorge Arreaza i e funshonario venezolano prinsipal riba e área di derechi humano, Larry Devoe, lo tei presente durante e reunion ku delegashonnan di gobièrnu.
Ambos delegashon a biaha rumbo pa Noruega djasabra, segun dos fuente.
E minister di Eksterior di Noruega, Ine Eriksen Soreide a elogiá ámbos parti pa start e diálogo aki.
E Departamento di Estado di Merka afirmá ku e úniko kos ku Maduro por negoshá ta e kondishonnan di su retiro” for di e puesto di presidente.
