CARACAS, AP.- E kansier venezolano Jorge Arreaza a bisa djaluna ku Merka su desishon pa nombra Suisa komo “protektor di su interesnan” na Venezuela no ta vinkulante i e ehekushon di e akuerdo ta dependé di Nicolás Maduro su aprobashon despues di kibra e relashonnan diplomátiko.
“Merka a proponé Suisa i esaki mester wòrdu aprobá pa presidente Maduro. E anunsio no ta un echo bilateral pasó e mester risibí nos aprobashon”, asina Arreaza a argumentá den un rueda di prensa.
E kansier a bisa ku Venezuela tin su proposishon al respekto i na momentu ku e gobièrnunan d Caracas i Washington establesé un akuerdo tokante “e paisnan protektor” lo ehekutá e medida.
Merka i Suisa a yega na un akuerdo pa e suisonan protehá e interes di Merka na Venezuela.
