Victor Antonio Copra
Aviso di Morto
Homenahe na Victor Antonio Copra
Victor a wòrdu lantá den Penstraat.
Durante di su hubentut el a praktiká
e siguiente deportenan:
• sèt ola (sùrf)
• hisa peso (weightlifting)
• bodybuilding
Fuera ku e tabata un bon deportista i skùter
(schutter), e tabata un amtenar orguyoso pa
37 aña trahando na Pòstkantor i a retirá
komo hefe di Pòstkantor.
Victo ta un di e proménan ku a introdusí Bodybuilding na Kòrsou i Antia Hulandes i pa hopi aña el a guia e deporte akí pa buta Kòrsou i Antia Hulandes riba un plano internashonal, organisando diferente kompetensia i eventonan aki na Kòrsou i tambe mundialmente.
Pa e motibu akí el a drenta den Hall of Fame na Kòrsou.
E tabata gusta su farándula i komo un bon bailadó di kòmbèk a organisá hopi fiesta grandi di kòmbèk aki na Kòrsou.
Victor tabata un fanátiko grandi di lesa buki, pa asina por sigui desaroyá su mes den mundu.
E tabata stima músika, prinsipalmente músika klásiko i di kòmbèk.
Un bon amigu pa Harold Martina, Ed Bakhuis (ruman i amigu), René Treurniet (famia i amigu) i René Rafael.
Tur djamars e tabata gosa di su happy hour den kompania di tanchi Norma, René Treurniet, Sandra Koek i mi persona.
Semper e tabatin un bon konseho pa tur hende ku aserk'é.
Su konfiansa den dòkter Eric Doran tabata grandi. Danki, dòkter Doran, danki di kurason ku bo tabatin semper tempu pa mi mayornan.
Su último aña tabata masha duru. Victo a sufri hopi. Ku doló na su kurason e mester a bai biba den un kas di kuido, e kas di kuido na Hoenderberg. Su último deseo tabata pa hala su delaster rosea na pas den su mes kas, pero pa motibunan fuera di su alkanse esei no por a bira realidat.
Pa mi e tabata un bon tata. Chantal Statia, su ñetu stimá i ku ta stim'é hopi i ku semper tabatin un bon relashon kuné, tabata bin Kòrsou tur aña pa pasa un par di dia kuné i el a haña chèns pa tabata huntu kuné den su delaster dianan.
Papi, awor bo ta liber di tur doló i bo ta felis i kontentu manera semper tabata bo deseo.
Nos ta keda uní pa semper. Drumi dushi.
Bo yu ku ta i lo keda stima bo pa semper,
Corinne Copra
Solange Wallé
Hopi Forsa y Konsuelo pa hinter famia y amigunan 🌾🕊🕊🕊
Jeannine Bakhuis
Corinna deskanso I hopi forsa pa bo, Chantal I tur famia. Ku Victor sosegá na pas I Papa Dios duna boso konsuelo.
aubert wiels
Kondoler i forsa, Sr Victor semper a dunami bon konsego i semper ku hopi respèt, Dios duna su alma sosiegu eterno.
C.Copra
Tio Deskanso i sosega na paz. Danki pa tur lokual ku bo a nifika pa nos Drumi dushi. Forsa na tur famianan i konosinan Rust zacht🙏🏼 Bo subrina Corinne Copra.
Diana Robert- Koeyers
Kondolensia i Forza Corinne i famia. Lo e keda biba biba semper den boso kurason. You will never feel alone you gained an Angel 😇 Diana Robert-Koeyers i famia
Luthmila
Tio awe Dios tin un luga bon pa Tio banda di dje den su reno reserva pa Tio. Tio drumi dushi, lus eterno lusa pa Tio. Sosega na pas. Forsa na tur famianan. Tio su subrina Luthmilla Copra & fam.
Urwin Ernesto Brito.
AMIGU VICTOR SOSEGA NA PAS. KONDOLER NA FAMILIA. I FORSA
Aishah Rick i famia
Corine i famia Kondoler Dios duna boso forsa i konsuelo den e dianandifisil aki
Norwin Bernabela
Forsa ta bai na joenan y demas familiares cu a keda atras.Cu Victor sosega na pas den reino di Senor.
Nitza Christina
Corinne i henter famia, mi mas sentido pesame ku fayesementu di bosnan tata. Forsa na bosnan i restu di famia. Pas na su restu.
Phyllis Hernández
Corinne mi mas sentido pesame i keda korda semper e bunita momentonan ku bo papa, manera bo a deskribí esaki kaba por parte. Hopi forsa i ku don Victor drumi dushi i deskanso p'e. 🕯🌷🌻
Merylaine Salas-Soleana
Corinne, deskanso i hopi forsa. Ku bo papa por sosega na pas den reino di Señor. Merylaine Salas i famia.
Runie Mensche
Mi mas profundo Kondolencia na tur famia i amistadnan di Victor Copra. Susega na pas den brasa di Senor.
sigfried vrutaal
Forza