PROVIDENCE, RHODE ISLAND, MERKA, AP.- E alkalde di providensia, Jorge Elorza, a ordená pa kuminsá un investigashon despues ku un video grabá ku un selular a surgi kaminda un polis ta bati i lastra un muhé.
Djabièrnè Elorza a bisa ku despues di a mira e video el a pidi e hefe di polis munisipal i komisario di Seguridat Publiká ku ta investigá e insidente.
E komisario di Seguridat Públiko, Steven Pare, a bisa ku den e video por mira e polis yegando na un kas kaminda drenta un notifikashon pa un disputa riba 23 di mei mardugá.
E rapòrt polisial ta deskribí e situashon tenso den e porta di e kas i e forsegeo entre dos polis i algun hende ku segun polis tabata mustra agresivo. Un patruyero a terminá den hospital despues di a wòrdu mordé.
E rapòrt ta menshoná ku e agente a hala e muhé di trapa i lastr’é paso esaki tabata bringa kuné. El a agregá ku e agente a hasi uso di “vários gòlpi”, puntonan di preshon i lucha pa kontrolá esaki.
Riba e video por a skucha kon e agente ta bisa ku e “muhé a morde mi i asta mi a sangra, el a dal mi den mi kabes i tur tabata gritando mi manera ta un animal mi ta”.
E muhé, Carolinmar Torres, a keda detené i akusá di agreshon kontra un agente di polis.

ARTIKULONAN RELASHONAMORE FROM AUTHOR