WILLEMSTAD.- Vientje Villareal a lansa su mes komo solista. Vientje despues di a forma parti di ‘Reinan di Kaya’ komo kantante awor lo sigui komo solista bou dje nòmber artístiko ‘Vientje’s Flavour’.

E promé produkshon ‘Ayó’ ta un cover originalmente interpretá pa Ilvia Gustina. Vientje ta gradisí Ilvia pa e aprobashon pa e por a cover e piesa i na Morrison Isenia ku a inspir’é pa kuminsá ku su karera komo solista.

Keda pendiente pa próksimamente Vientje amplia mas riba e proyekto ku e i su tim ta trahando riba dje.

‘ Ku e piesa Ayó, mi kier inspirá nos hende muhénan pa keda balorá nan mes semper bai’.