WILLEMSTAD.- E aktor Vin Diesel a gana su kolega den ‘Fast and Furious’, Dwayne Johnson pa dje forma ei keda nombrá komo e aktor ku mas entrada di benta di karchi pelíkula den 2017.
E aktuashon resien di Diesel den ‘xXx: Return of Xander Cage’, a pone ku huntu ku e benta mundial di 1.2 bion di dòler di ‘The Fate of the Furious’, el a logra di kombiná 1.6 bion dòler na benta di karchi entrada, segun e revista Forbes.
E echo ku ‘Baywatch’ a resultá un ‘flop’ a pone ku ‘The Rock’, kende su pelíkulanan a logra di atraé 1.5 bion dòler te ku awor, ounke ku “Jumanji: Welcome to the Jungle”, ainda ta den Cinemas no a logra pa a mantené e puesto di honor.
E strea di ‘Wonder Woman’, Gal Gadot, kende su pelíkulanan ta inkluí tambe ‘Justice League’ a keda na di tres lugá ku un entrada anual di 1.4 bion dòler.