MERKA.- Huntu ku e kanal di televishon merikano NBC e aktor i produktor Vin Diesel ta trahando riba un vershon nobo di ‘Miami Vice’.
Tur hende ta kòrdá e serie eksitoso ‘Miami Vice’ ku di 1984 pa 1989 a keda transmití pa NBC. E serie a trata trabou di ‘undercover’ di polisnan Don Johnson i Philip Michael Thomas kendenan tabata kombatí i resolvé tur tipo di krímen na Miami.
Pa e serie aki ku ta un kolaborashon entre e empresa di produkshon di Diesel ‘One Race Television’ i e empresa di produkshon di NBC.
Diesel pa e okashon aki lo bolbe traha ku e produktor, Chris Morgan, nan konosé otro for di e serie di ‘The Fast and the Furious’.