MERKA.- Nos tin algun luna nos dilanti ku yen insertidumbre pa loke ta trata eventonan deportivo, sinematográfiko o di kualke índole ku logra reuní un masa di públiko. E vírus mas famoso, Coronavirus, a logra ku pelíkulanan grandi manera ‘Mulan’ i ‘No Time to Die’ mester a posponé i atrasá nan estreno pa miedu di pèrdè entrada na takia.
‘Fast & Furious 9’, tin komo fecha di estreno dia 22 di mei próksimo i su fanátikonan ta teme ku lo e bira e próksimo víktima di kanselashon. Pero lo e mester muchu mas ku e vírus pa Vin Diesel i su famia posponé e estreno.
‘Lo mi no kulpa niun hende na mundu pa bisa: Bosnan ta un set di idiot pa estrená e pelíkula aworakí’, asina Diesel a komentá. ‘Pero nos tin mester di pelíkula aworakí mas ku nunka. Nos ta den un momentu kaba kaminda sine i e eksperensia sinematográfiko ta wòrdu menasa. Pe motibu ei, mi ta sigurá ku nos ta bai estrená e pelíkula’.
‘Mi ta gusta aparesé dilanti di e públiko i fanátikonan paso Dios sa kuantu nan a apoyá mi. Mi ta loko. Mi ta roga Sony pa nan laga mi bai China, inkluso aworakí. Ya mita mira kara di tur hende: ‘Bo ta bai bo so!, asina Vin Diesel a terminá bisando indikando ku ‘Podisé e pensamentu mas importante no ta pa fokus solamente riba e benta di karchi, pero pa sa ku nos tur ta un mundu i ku tur kos nos tin ku superá huntu’.