WILLEMSTAD.- Pa e selebrashon di 50 aniversario di Karnaval di Kòrsou Grupo Vise Vèrsa a krea nan propio ‘Siudat di Polo Norte’ kaminda tur su miembronan lo ta e mensaheronan. Karnaval 50 lo ta kargá ku vibrashon positivo. Pas i Union lo trese sneu riba nos Dushi Kòrsou.
Ayera nochi Vise Vèrsa, e fábrika di ambiente a laga e públiko ku a asistí na nan presentashon di trahe sera konosí ku e ingrediente prinsipal pa un karnaval eksitoso, harmonioso i duradero.
E presentashon di trahe a konta ku bon asistensia i Gentz a pèrkurá pa tremendo animashon musikal. Riba potrètnan nos por apresiá diferente dje trahenan ku a keda presentá. ‘Karnaval sinkuenta tur hende pa nan kuenta!’.