WILLEMSTAD.- Un públiko basta grandi a yena kura di Landhuis Groot Kwartier djasabra anochi pa presensia e presentashon di trahe di karnaval di Grupo Vise Versa.
Un show kompletu a keda presentá i manera por a spera na momentu di presentashon di trahe Vise Versa a bolbe indiká ku nan ta un estilo di presentá un konsepto i no djis un disfras.
Emerson ‘Emo’ Cordilia: ‘Nos tema nan di último aña nan tin un historia i un mensahe nan tras. Por ehèmpel aña nan anterior manera: Habié Ser’é; Tum’é Dun’é; Believe in your Kingdom; HAOI, the Undescover Paradise i awor “A Dream”
Tur kos ku bo ke logra den bida ta kuminsá na un soño. Nos kier kurashá tur hende pa drenta den nos globo di airu maginario, ban den e espasio di ambiente pa piska nan soño, e lusnan di e streanan mes lo iluminá i mustra nos e kaminda pa sinta riba e luna, piska e strea mágiko, pa por pidi bo deseo ku speransa ku bo soño lo bira realidat’.
Riba foto algun imágen dje presentashon di trahe.