WILLEMSTAD.- E dia ta aserkando pa e festival tan sperá: Tumba hubenil 2019. Un plataforma kaminda hóbennan ku aspirashon pa bira artista òf traha nòmber komo músiko lokal, lo demostrá nan talento den e kompetensia kultural ku ta karga nos ritmo, TUMBA. Nos mester ta hopi orguyoso di nos muchanan. Esaki ta e momentu pa mustra nan boso apresio i balorá e esfuerso ku nan a hinka den nan mes i den realisashon di Tumba Hubenil 2019.
Fundashon JAG & Fundashon Alélimo ta invitá bo na Festival di Tumba Hubenil 2019, e máksimo evento musikal pa hóben durante karnaval 2019, ku ta tuma lugá dia 19 di yanüari na Carnaval Village, Kleine Werf, di 4 or di atardi pa 9 or di anochi. Karchinan ta optenibel na 24 uur uit de muur i serka tur partisipante.
E aña’ki ta posibel pa durante e festival vota online riba bo tumbero (tumba) hubenil preferí. Ku bo voto bo por garantisá bo faborito un puesto den e klasifikadónan pa e ronda final. Ganadó di e votashon ta pasa un pasá pa ronda final.
Pa e motibu ei nos ke motivá tur hende, spesialmente nos hóbennan, pa VOTA masalmente pa bo tumba preferí riba e siguiente link: https://www.research.net/r/TumbaHubenil2019 .
Por haña e link aki tambe riba e página di facebook: Tumba hubenil 2019.