WILLEMSTAD.– MCB i MasterCard ta anunsiá ku awor ta saka 2 ganador pa “Grammy Awards” ku ta tuma lugá dia 28 di yanüari 2018 na New York. Kada ganador por bai ku 1 kompaño, pues total 4 persona por eksperensiá e espektákulo musikal i di premio eksklusivo aki, kortesia di Bo Banko Amigu i MasterCard.
Djaweps dia 28 di desèmber durante e último “Thursday Punda Vibes”, e tim di promoshon di MCB Grammy Awards ta di 5.30 pm pa 8.30 pm den Punda na e palu di Pasku grandi dilanti brùg Emma.
Durante di “Punda Thursday Vibes” klientenan por saka potrèt ku chèns di gana un Kompa Leon Gift Card di NAf 25,- òf un MasterCard prepaid ku $50.-.
Tur kliente ku paga ku nan tarheta di MCB Bankomátiko/Maestro, MCB MasterCard credit card òf MCB prepaid MasterCard na kualke negoshi den Punda durante “Punda Vibes” riba e dia aki tambe por drai e wil, i gana premio instantanio.
E tim di TCFM tambe ta presente pa transmití life na 93.3 FM i na kanal 26 ku músika, entrevista for di e booth di MCB Grammy.
Kada biaha ku usa MCB Bankomátiko/Maestro debit card, MCB MasterCard credit card, òf MCB prepaid MasterCard® ta partisipá outomátikamente den e rifa ku chèns di gana un tremendo trep pa presensiá e di 60 edishon di GRAMMY Awards® na New York.
Premio ta konsistí di pasashi ida i buèlta pa New York pa dos persona pa 4 dia, un tarheta di krédito MasterCard prepaid na balor di $1000,-, estadia na hotèl, akseso VIP pa presensiá GRAMMY Awards, “tour” privá pa konosé New York City, masashi i makiahe serka un profeshonal, entrada pa MasterCard pre-GRAMMY VIP reception i akseso na MasterCard After Party.
E kampaña di Grammy Awards ta terminá dia 3 di yanüari 2018, i no ta posibel pa kambia premio. Mas usa tarhetanan MCB Bankomátiko/Maestro, MCB MasterCard credit card òf MCB prepaid MasterCard, mas chèns di gana tin. Por sigui e kampaña riba Facebookpage di MCB Bankcard Services.