WILLEMSTAD.- Tradishonnan i kustumbernan di Simadan ta pega na kurason dje pueblo di Bonaire i tur di desendensia boneriano na kualke parti di mundu. Club Union Boneriano ta organisá, djasabra 4 di mei 2019, un tremendo marcha di Simadan. E marcha ta sali pa 4.30 di atardi for di Pompstation Muizenberg i riba ritmo di Komper ta pasa den kayanan di Suffisant bai kaba na C.U.B., despues paden fo’i 6 or por baila i wapa te 1 or di mardugá. Wapamentu lo ta riba músika di: Grupo Komper, Grupo Kondjemba, Grupo Orírí i Grupo GRIK. Entrada general ta 5 florin pa persona.