WILLEMSTAD.- Grupo di Seú ‘Wapa pa nos Bai’ a habri su inskripshon pa Marcha di Seú 2020. Grupo ‘Wapa pa nos Bai’ a resultá e grupo di aña 2019. Aserka nan a gana tambe premio pa Grupo Hubenil mas destaká, Lensu Original, Grupo Original i Mas Bunita, Grupo mihó Akabá, di dos finalista mihó Koreografia i promé finalista Grupo mas Animá.
Pa 2020 e tema di nan trahe lo ta: ‘Traha Dam warda awa, Sekura no ta mata’. Animashon musikal lo ta na enkargo di ‘Los Paranderos’.
Personanan for di 8 te ku 75 por partisipá den e grupo. Pa mas informashon por yama Jasmin ‘Tante Jessi’ Casper na 661-1036.