WILLEMSTAD.- Awe djárason atardi 26 di novèmber, Sentro Operashonal Marítimo di Wardakosta (MOC) a risibí un yamada for di Polis relashoná ku un kaso tumando lugá riba laman. Ta trata di un posibel kurpa sin bida den área di Rif, serka di Megapier. Hende riba un barku krusero na Megapier, a tuma nota di esaki i a informá polis debidamente.
Personal di e departamento di MOC, a komuniká mes ora ku personal di helikòpter di Wardakosta pa sali inmediatamente den direkshon di Rif. Despues ku a logra di lokalisá e kurpa sin bida, i a saka e for di laman, e helikòpter a bula bai bek Hato mesora, pa asina entrega e kurpa na personal di Polis. Polis lo kontinuá ku e investigashon. Forsa na famia i amigunan.