WILLEMSTAD.- Ayera nochi 10 or e agrupashon musikal Icons by Gio a lansa ‘Wauw Effect’, un piesa nobo ku a keda komponé pa Djuric Virginie i areglá pa Jhonathan ‘Catan’ Carolina. Djuric mes ta interpretá e piesa ku tin tur ingrediente pa bira un éksito mas dje kombinashon di Djuric i Catan. Huntu ku e kansion a traha un videoclip ku a keda produsí pa Ryan Navarro. E videoclip su imágen ta duna un mensahe kla pa ‘Stop bullying’. ‘Trata tur hende bon!, pasobra den bo malu lo bo por tin mester di dje mes!’. Tremendo produkshon di parti di Icons by Gio. Sostené nos artistanan lokal.