WILLEMSTAD.- Ayera nochi na Sambil a tuma lugá e evento pa rekoudá fondo ‘We are beautiful Fashion Show’. E show di moda ayera nochi tabata mas ku un homenahe na esnan balente ku a lucha i a gana e bataya kontra di e malesa di kanser na pechu. Kada un dje modelonan a kompartí nan testimonio miéntras nan a desfilá i selebrá bida. E evento a keda organisá pa asina yuda krese e konsientisashon pa e malesa di kanser na pechu. Tambe pa motivá esnan ku tabata presente pa hasi kontròlnan rutinario i asina prevení o detektá e malesa aki na tempu. Entrada ku a keda rekoudá a bai pa Fundashon Sinta Ros ku semper tei pa por yuda pashèntnan. Riba potrètnan algun momentu durante dje show di moda.