WILLEMSTAD.- Djabièrnè awor, 29 di yüni 2018 ‘Plaka Music’ lo lansa un kansion nobo ‘Weekend Millionaire’, un kolaborashon úniko di nos artistanan lokal i esnan internashonalmente renombrá.
E piesa ekstraordinario aki ta un kreashon di Shermanology, Kempi, Dongo i Menasa kargá ku e sabor krioyo huntu ku ‘reggae roots’.
E videoclip tambe ta algu sin igual den kua vários artista ta hasi nan debut sinematográfiko.
E aktor prinsipal ta e konosido Shairon ‘Mika’ Conquet kompaña pa nos bunita Miss Curaçao 2016, Chanelle de Lau i tambe Sergio Lorenzo, konosí na Hulanda pa su aktuashon den ‘De Dino Show’.
E kolaborashon úniko aki a ser kreá bou di e label ‘Plaka Music’ kual ta spesialisá den kultivá i desaroyá nos talentonan lokal kreando sinergia ku músikonan internashonalmente konosí.
Sigui ‘Plaka Music’ riba Facebook, Instagram i YouTube pa bo keda na altura.