WILLEMSTAD.- Wega di Beisbòl ayera nochi entre Wild Cats i Marchena Braves a keda suspendé, debí ku no tabatin umpire. Timnan a yega tempran pa mas o ménos 6.30pm. Na momentu ku wega mester a start no tabatin umpire ni skorer.

Segun informashon ku Extra tin, ta indiká ku no a paga umpirenan sèn di play-off aña pasá i umpirenan a disidí ku nan no ta dirigí wega miéntras no tin pago.

Hungadó i dirigentenan a reklamá pisá i bisa ku e aña aki e Beisbòl no tin sous, apertura sin radio, sin homenahe sin himno i mester intervení purá pa drecha e Beisbòl.

Fuentenan yegá na direktiva a bisa flèt ku FEBEKO no tin sèn pa paga umpire i paga otro kompromisonan. Den dianan benidero nos tin mas detaye.