WILLEMSTAD.- ‘Sambil Mini Modèl’ ta un evento ku ta keda organisá pa Sentro Komersial Sambil i ta kompletamente grátis.

E evento lo duna diferente hóben, mucha muhé, e oportunidat di partisipá i asina demostrá nan talento i nan lo tin e chèns di representá i bira e imágen di Sambil pa 1 aña den diferente aktividat.

OUDISHON

Oudishon ta tuma lugá e wikènt aki, djasabra, 19 di ougùstùs lo ta pa mucha muhénan ku tin e edat di 5 pa 8 aña.

Djadumingu, 20 di ougùstùs ta turno pa mucha muhénan ku tin entre 9 pa 12 aña. E orario di oudishon pa tur dos dia lo ta di 2’or di mèrdia pa 5’or di atardi.

Un invitashon ta bai na hóbennan pa nan partisipá na e oudishon. E oudishon ta tuma lugá den e ‘Conference Room’ di Sambil ku ta keda banda di Cinemark.

Riba e dos fechanan di oudishon lo selekshoná diferente hóben ku lo partisipá den un show ku lo tuma lugá dia 15 di sèptèmber 2017.