WILLEMSTAD.- Temporada 2016 di beisbòl a transkurí ku su pida pida kosnan ku dado momento a wanta e kampionato, pa finalmente Wild Cats bin titulá kampion.

Tabata un aña durante kua beisbol a bai resultá den Sala di Korte di Hustisia, pa finalmente riba tereno di wega Wild Cats para e racha di tres aña konsekutivo ku Sta. Maria Pirates a titulá kampion.

Lokual a kompañá hinter e temporada tabata e bon shotnan di kampion fotógrafo Henki Looman, kende un biaha mas a hasi su máksimo esfuerso pa kue e mihó shotnan posibel durante dje kampionato. E shotnan no tabata solamente akshon di wega, sino tambe nivel fotógrafiko ku sin duda por kompetí riba nivel haltu internashonalmente. Disfrutá di algun di nan.